اقلیتوں کی مخصوص نشستوں پر براہ راست انتخاب کرایا جائے،جے سالک

اسلام آباد (خصوصی نامہ نگار) ورلڈ مینارٹیز الائنس کے کنونیئر سابق وفاقی وزیر اقلیتی امور جے سالک نے کہا ہےکہ اقلیتوں کی پارلیمنٹ میں نمائندگی کا طریقہ کار آئین کے آرٹیکل 226 کی خلاف ورزی ہے۔ عوامی نمائندوں کو عوام کے ووٹ کے ذریعے منتخب ہو کر اسمبلیوں میں جانا چاہیئے، مخصوص نشستوں پر اسمبلیوں میں بیٹھنے والے کسی بھی طرح عوامی نمائندے نہیں ہو سکتے۔ پریس کانفرنس کے دوران جے سالک نے کہا کہ پیپلز پارٹی نے 18 ویں ترمیم میں اسے وفاق کی بجائے صوبوں کے حوالے کر دیا ۔18 ویں ترمیم میں مینارٹیز کے حقوق کا تحفظ نہیں کیا گیا ۔ انہوں نے اقلیتوں کی مخصوص نشستیں براہ راست انتخاب کے ذریعے پر کرنے کا مطالبہ کرتے ہوئے کہا کہ انکا حلقہ پورا پاکستان ہونا چاہئے۔