حضرت امام محمد باقر نے انسانیت کی ہدایت کا فریضہ سر انجام دیا، مقررین

راولپنڈی ( خصوصی نمائندہ)عشرہ اجر رسالت کی مناسبت سے یکم رجب کو حضرت امام محمد باقر کا یوم ولادت عقیدت کیساتھ منایا گیا۔ ہیئت طلبائے اسلامیہ کے زیر اہتمام عزاخانہ معصومہ قم میں مرکزی تقریب کی صدارت سیکرٹری جنرل ٹی این ایف جے علامہ راجہ بشارت حسین امامی نے کی اور جشن کا کیک کاٹا۔ سید حسن کاظمی،ذوالفقار علی راجہ اور ایم ایچ جعفری مہمانان خصو صی تھے۔محفل سے خطاب کرتے ہو ئے علامہ سیدقمرحیدرزیدی نے کہاکہ حضرت امام محمد باقر نے انسانیت کی ہدایت و رہبری کا فریضہ سر انجام دیا۔انہوں نے کہاکہ سویڈن میں قرآن پاک کی بیحر متی کے واقعے نےپوری انسانیت کو شرمندہ کر دیاہے۔ محفل سےحسن کاظمی،مطیع الحسنین کاظمی، مولانا میثم عباس میثمی، سردار عماد جعفری نے بھی خطاب کیا۔انجمن کنیزان امام العصر الزمانکے زیراہتمام شعب ابی طالب میں سیدہ زینب علویہ نے محفل باقر العلوم سے خطاب کیا۔