عوام ملک کو معاشی تباہی سے دو چار کرنیوالوں کا ووٹ سے احتساب کریں، میاں اسلم

اسلام آباد ( نیوز رپورٹر ) نائب امیر جماعت اسلامی پاکستان میاں محمد اسلم نے کہاہے کہ جماعت اسلامی ملک اور قوم کے لیے اُمید کی آخری کر ن ہے جو ملک کو بحرانوں سے نکالنے کی صلاحیت رکھتی ہے، عوام ملک کو معاشی تباہی سے دو چار کرنے والوں کا ووٹ کی طاقت سے احتساب کریں۔عوام مہنگائی، بدامنی اور بے روزگاری کی چکی میں پس رہے ہیں، عوام آٹے کی لائنوں میں کھڑے ہیں، بنیادی اشیائے خورونوش کی قیمتیں غریب اور سفید پوش طبقہ کی پہنچ سے دور ہو گئیں۔ ان خیالات کا اظہار انہوں نے یونین کو نسل 62جی سیون ٹومیں منعقدہ ورکر کنونشن سے خطاب کر تے ہو ئے کیا، اس موقع پر اُمیدوار برائے چیئر مین جمیل کھو کھر اور دیگر نے بھی خطاب کیا۔میاں محمد اسلم نے کہا اسلامی و خوشحال پاکستان کا ایجنڈا عام آدمی کا ایجنڈا ہے،ملک کو بحرانوں سے نکالنے کیلئے عوام کو اس ایجنڈے کا ساتھ دینا چاہئے۔