پی ٹی آئی ارکان اسمبلی کو چیف جسٹس سے ملاقات کی اجازت نہ مل سکی، رجسٹرار کا بھی ملنے سے انکار

اسلام آباد(جنگ رپورٹر)چیف جسٹس آف پاکستان ،مسٹر جسٹس عمر عطاء بندیال سے ملنے کے لیے سپریم کورٹ آنے والے پی ٹی آئی کے آٹھ سابق اراکین قومی اسمبلی کو ان سے ملاقات کی اجازت نہ مل سکی،ذرائع کے مطابق گزشتہ روز پی ٹی آئی کے اراکین قومی اسمبلی غلام لالی، عامر سلطان، عامر ڈوگر، خواجہ شیراز، ذوالفقار علی خان، لعل چند، راشد محمود اور صاحب حسن ،چیف جسٹس سے ملاقات کے لیے سپریم کورٹ پہنچے تاہم انہیں ملاقات کی اجازت نہ مل سکی، ذرائع کے مطابق رجسٹرار نے بھی ان سے ملاقات سے انکار کر دیا، چیف جسٹس پاکستان سے ملاقات کے لیے آنے والے اراکین قومی اسمبلی پی ٹی آئی کے استعفوں کی منظوری سے متعلق چیف جسٹس سے ملنا چاہتے تھے،اس موقع پر میڈیا سے مختصر گفتگو کرتے ہوئے تحریک انصاف کے رہنما عامر ڈوگر نے کہا کہ سپریم کورٹ نے قومی اسمبلی واپس جانے کا کہا تو حکومت نے استعفے ہی منظور کرلیے ہیں۔