پی ٹی آئی ارکان اسمبلی کو چیف جسٹس سے ملاقات کی اجازت نہ مل سکی، رجسٹرار کا بھی ملنے سے انکار

25 جنوری ، 2023

اسلام آباد (این این آئی)پاکستان تحریک انصاف کے اراکین کو چیف جسٹس پاکستان سے ملاقات کی اجازت نہ مل سکی۔نجی ٹی وی کے مطابق منگل کو پی ٹی آئی کے اراکین چیف جسٹس عمر عطا بندیال سے ملاقات کیلئے سپریم کورٹ آئے لیکن انہیں ملاقات کی اجازت نہ مل سکی، رجسٹرار سپریم کورٹ نے بھی اراکین سے ملاقات کے لئے انکار کردیا۔نجی ٹی وی کے مطابق چیف جسٹس سے ملاقات کیلئے آنے والے اراکین قومی اسمبلی کی تعداد 8 تھی جو جسٹس عمر عطا بندیال سے سے پی ٹی آئی کے استعفوں کی منظوری سے متعلق ملنا چاہتے تھے۔