مقبوضہ کشمیر، کشمیریوں کی زمینوں سے جبری بیدخلی کیخلاف مظاہرے

سری نگر(پی پی آ ئی)مقبوضہ کشمیر میں بھارتی قابض انتظامیہ کی طرف سے مقبوضہ علاقے میں آبادی کے تناسب کو بگاڑنے کیلئے شروع کی گئی کشمیریوں کو انکی زمینوں کی جبری بے دخلی کی مہم کے خلاف مختلف علاقوں میں احتجاجی مظاہرے کیے گئے۔اسلام آباد، کپواڑہ، راجوری، پونچھ، کشتواڑ اور رام بن کے علاقوں میں سیکڑوں لوگوں کا احتجاج،بنی میں دکانداروں نے اپنی دکانیں بند کر کے احتجاجی ریلی نکالی،مظاہرین نے کہا قابض انتظامیہ یکے بعد دیگر ایسے قوانین متعارف کروا رہی ہے جس کا مقصد مقبوضہ علاقے کی مسلم اکثریتی شناخت کو اقلیت میں تبدیل کرنا ہے۔کشمیر میڈیا کے مطابق مظاہرین نے بی جے پی حکومت کے کشمیر مخالف حکمنامے کی منسوخی کا مطالبہ کیا۔