گورنرسندھ سے چیف آف نیول اسٹاف کی ملاقات،متعدد امور پر تبادلہ خیال

کراچی(اے پی پی)گورنرسندھ کامران خان ٹیسوری سے چیف آف نیول اسٹاف ایڈمرل ایم امجد خان نیازی نے گورنر ہائوس میں ملاقات کی جس میں پاک بحریہ کی پروفیشنل مہارت ،قومی دفاع میں اس کی اہمیت ،ملک کی سمندری حدود کی نگہبانی میں پاک بحریہ کے کردار اور باہمی دلچسپی کے دیگر امور پر تبادلہ خیال کیا گیا۔ گورنر ہائوس سے جاری اعلامیہ کےمطابق اس موقع پر گورنرسندھ نے کہا کہ اقوام عالم کی بحری افواج میں پاک بحریہ کو نمایاں مقام حاصل ہے۔ انہوں نے مزید کہا کہ پاک بحریہ کی پروفیشنل مہارت کسی سے کم نہیں۔ انہوں نے کہاکہ سمندی حدود کی نگہبانی کے ساتھ ساتھ اسمگلنگ کی روک تھام میں بھی پاک بحریہ نمایاں کردار ادا کر رہی ہے۔