تعلیم پاکستان کیلئے زندگی اورموت کامسئلہ ، پرویزاشرف

اسلام آباد ( نمائندہ جنگ )سپیکر قومی اسمبلی راجہ پرویزاشرف نے کہا کہ تعلیم پاکستان کے لئے زندگی اورموت کامسئلہ ہے، دنیااتنی تیزی سے آگے بڑھ رہی ہے کہ اگر آج ہم نے تعلیم پر توجہ نہ دی تو ہم بہت پیچھے رہ جائیں گے۔منگل کو عالمی یوم تعلیم کے موقع پر اپنے پیغام میں انہوں نے کہا کہ تعلیم کسی بھی معاشرے کی بنیا دہے جو افراد اور قوموں کی ترقی کے لئے بے حد ضروری ہے۔ وزیرِ خارجہ بلاول بھٹو نے کہاکہ 22 ملین سے زائد پاکستانی بچوں کا اسکول نہ جانا پوری قوم کے لیے لمحہ فکریہ اور چیلنج ہے،معیاری تعلیم کے حصول میں حائل رکاوٹوں کو جنگی بنیادوں پر ختم کرنا ہوگا۔