بجلی بلیک آؤٹ،امپورٹڈ حکومت ایندھن بچاناچاہتی تھی،عمر ایوب

اسلام آباد (خبر نگار) تحریک انصاف کے ایڈیشنل جنرل سیکرٹری عمر ایوب نے وزیر توانائی کی پریس کانفرنس مسترد کرتے ہوئے کہا کہ بجلی کا بلیک آؤٹ سراسر غفلت کی وجہ سے ہوا ، امپورٹڈ حکومت ایندھن کی بچت کرنا چاہتی تھی۔ سماجی رابطے کی ویب سائٹ ٹویٹر پر انہوں نے لکھا کہ بڑھتے ہوئے بوجھ کو مینج کرنے کیلئے ان کے پاس آن لائن پلانٹس ناکافی تھے۔ تحریک انصاف حکومت نے ٹی اینڈ ڈی سسٹم میں بڑی سرمایہ کاری کی۔ ادھر پی ٹی آئی رہنما حماد اظہر نے اپنے ٹویٹ میں لکھا کہ ملک میں بجلی کی اس وقت بھی شارٹ فال 6500 میگا واٹ ہے۔ توانائی کا وزیر اپنے آپ کو مبارکباد دیتا پھر رہا ہے۔