احتساب عدالت، نوازشریف کی جائیداد کی نیلامی کیخلاف درخواست پر فریق وکلاء سے 6 فروری کو دلائل طلب

لاہور(نیوز رپورٹر)احتساب عدالت نے سابق وزیراعظم نوازشریف کی جائیداد کی نیلامی کے خلاف درخواست پر فریق وکلاء سے 6 فروری کو دلائل طلب کرلئے،نیب نے درخواستوں پر جواب عدالت میں جمع کروا رکھا ہے،یوسف عباس و دیگران نے بطور اعتراض کنندگان درخواستوں میں مؤقف اختیار کیا کہ نواز شریف کی جائیداد کی نیلامی سے ہمارے حقوق متاثرہ ہو نگے، پلاٹس الاٹمنٹ ریفرنس کے دیگر تمام ملزمان بری ہو چکے ہیں، نواز شریف کو بھی بری کیا جائے اور منجمد اثاثہ جات بحال کیے جائیں، ریفرنس میں ملزمان پر 13 کروڑ کی کرپشن کا الزام تھا، نیب آرڈیننس 2022 کے تحت یہ کیس احتساب عدالت کے دائرہ اختیار میں نہیں آتا، احتساب عدالت کیس کی سماعت کا اختیار نہیں ہے، عدالت سابق وزیر اعظم نواز شریف کی جائیدادوں کی نیلامی کا حکم واپس لے۔