محکمہ بلدیات پنجاب کا تقرر و تبادلوں، ترقیاتی منصوبوں کے فنڈز اور بھرتیوں پر پابندی

لاہور(جنرل رپورٹر) محکمہ بلدیات پنجاب نے تقرر و تبادلوں، ترقیاتی منصوبوں کے فنڈز اور بھرتیوں پر پابندی عائد کر دی ۔پنجاب کی 51لوکل گورنمنٹس میں تقررو تبادلوں اور بھرتیوں پر پابندی عائد کر دی گئی ۔ اس ضمن میں سیکریٹری لوکل گورنمنٹ سید مبشر حسین کے احکامات پر سیکشن آفیسر جنرل نے مراسلہ جاری کر دیا جس کے مطابق الیکشن کمیشن کی ہدایات کی روشنی میں ٹرانسفر پوسٹنگ پر پابندی عائد کر دی گئی ۔ نئے ترقیاتی منصوبوں کے فنڈز بھی منجمد کر دیے گئے ہیں ۔