اسحاق ڈار کی قطری وزراء سے ملاقاتیں ،تعاون کے امکانات کا جائزہ لیا

اسلام آباد(کامرس رپورٹر )اسحاق ڈار کی قطری وزراء سے ملاقاتیں ،تعاون کے امکانات کا جائزہ لیا ، وفاقی وزیر خزانہ اسحاق ڈار نے کہا ہے کہ پاکستان اور قطر کے تاریخی اور برادرانہ تعلقات قائم ہیں اور دونوں ممالک سائنس، ٹیکنالوجی ، زراعت اور تعلیم سمیت مختلف شعبوں میں تعاون کو فروغ دے سکتے ہیں۔ وزیرخزانہ نے ان خیالات کا اظہار گزشتہ روز قطر کے وزیر خزانہ علی بن احمد الکواری سے ملاقات میں گفتگو کرتے ہوئےکیا،وزارت خزانہ کے مطابق قطر کے دورے کے موقع پر وزیرخزانہ نے فٹ بال کے عالمی فیفا کپ کے کامیاب انعقادپر قطر کو مبارک باد دی ،ملاقات میں پاکستان اور قطر کے درمیان مختلف شعبوں میں تعاون کے امکانات کاجائزہ لیاگیا،وزیر خزانہ نے قطر کےوزیر خزانہ کو دورہ پاکستان کی دعوت بھی دی ، دریں اثنا وفاقی وزیر خزانہ اسحاق ڈار نے منگل کو دوحہ میں قطر کے وزیر توانائی امور انجینئر سعد بن شریدہ الکابی سے بھی ملاقات کی ۔