ہم کچھ بھی کرلیں عمران خان مطمئن نہیں ہونگے،محمد زبیر

کراچی (ٹی وی رپورٹ)جیو کے پروگرام ”آپس کی بات“ میں میزبان منیب فاروق سے گفتگو کرتے ہوئے مسلم لیگ ن کے رہنما محمد زبیر نے کہا کہ ہم کچھ بھی کرلیں عمران خان مطمئن نہیں ہوں گے،پی ٹی آئی کے رہنما آفتاب جہانگیر نے کہا کہ ہمیں پتا تھا نگراں وزیراعلیٰ پر اتفاق نہیں ہوگا اور الیکشن کمیشن فیصلہ کرے گا،سینئر صحافی و تجزیہ کار مظہر عباس نے کہا کہ اپوزیشن لیڈر راجا ریاض نے دس مہینے میں ایک تقریر بھی اپوزیشن والی نہیں کی، ن لیگ کم ازکم دکھاوے کیلئے راجا ریاض سے اپوزیشن والی تقریر کروادے۔