خضدار:بچوں کی بہتر تعلیم و تربیت والدین اور اساتذہ کی ذمہ داری ہے‘ مقررین

خضدار(نامہ نگار ) جھالاوان میڈیکل کالج خضدارکے پرنسپل پرو فیسر ڈاکٹر نور احمد مغیری نے کہا ہے کہ انسانی کی پہلی درسگاہ والدین ہوتے ہیں جس کے بعد انسان کی بہترین پرورش کی ذمہ داری اساتذہ کی ہے والدین اور اساتذہ اپنی ذمہ داریاں احس طریقے سے انجام دیں تو کامیاب اور کار آمد معاشرہ تشکیل پائے گا ان خیالات کا اظہار انہوں نے پریس کلب میں بلوچستان اسکلز اکیڈمی اینڈ ایجوکیشنل سینٹر کے زیراہتمام سالانہ تقسیم اسناد و انعامات کی تقریب سے خطاب کرتے ہوئے کیا اس موقع پروفیسر انعام اللہ مینگل ادارے کی منتظم محترمہ فاطمہ خضدار پریس کلب کے صدر مولانا محمد صدیق مینگل اور دیگر نے خطاب کرتے ہوئے کیا انہوں نے کہا کہ پیدائش سے لے کر بڑا ہونے تک ہر بچہ ماں باپ اور اساتذہ کی رہنمائی کا طلب گار رہتا ہے بلوچستان کے بچے با صلاحیت اور ہونہار ہیں ضرورت اس بات کی ہے کہ ان کی بہتر ذہن سازی کی جائے جسطرح بچوں نے اپنی صلاحیتوں کا اظہار کیاجس پر بلوچستان اسکلز اکیڈمی اینڈ ایجوکیشنل سینٹر خضدار کے اساتذہ مبارکباد کے مستحق ہیں آخر میں نمایاں کارکردگی کا مظاہرہ کرنے والے طلباء اور طالبات میں تعریفی اسناد اور انعامات تقسیم کئے گئے۔