حکمرانوں اوربیوروکریسی نے ملک دیوالیہ کردیا‘ جماعت اسلامی

کوئٹہ(پ ر)امیرجماعت اسلامی بلوچستان مولانا عبدالحق ہاشمی نے کہاہےکہ بڑی مقتدر جماعتیں جو ہمیشہ اقتدارمیں رہتی ہیں اور بیورو کریسی کی وجہ سے پاکستان دیوالیہ ہوگیا ہے ہر سطح پر لوٹ مار ،اقرباء پروری ،بدعنوانی کی وجہ سے مہنگائی وبے روزگاری اور قرضے بڑھ گئے ہیں سودی قرضے پی ڈی ایم اور پی ٹی آئی کے حکمرانوں کے تحفے ہیں حکمران قوم سے مخلص نہیں اس لیے مسائل میں کمی کی بجائے ملک دیوالیہ ہوگیا ہے عوام کو دو وقت کا کھانامیسر نہیں۔ حکمرانوں کے پروٹوکول ، مراعات وشاہ خرچیاں ختم کرکے سادگی وقناعت شروع کریں انہوں نے کہاکہ حکمران مولاناہدایت الرحمن بلوچ ودیگر کے خلاف جھوٹے سیاسی مقدمات ختم ،انہیں فوری رہااورمطالبات پر عمل کریں جماعت اسلامی دیگر جماعتوں کی طرح نہیں بلکہ دیانت دارانہ اسلامی سیاست خدمت واسلامی نظام کے قیام کیلئے کر رہی ہے عوام مسائل کے حل ،اسلامی نظام کے قیام اور ظلم وجبر بدعنوانی سے نجات کیلئے جماعت اسلامی کا ساتھ دیں ایک طرف گیس بند ہے ، لوڈ شیڈنگ ہورہی ہے، صنعتیں بند اورکاروبار ٹھپ ہوچکے ہیں، مزدور فاقہ کشی پر مجبور ہیں،لوگوں کو ادویات نہیں مل رہیں دوسری جانب ساری پارٹیاں اقتدار کے حصول اور سیاسی مفاد پر اکٹھی ہیں۔