بلوچستان میں لگائی گئی آگ کی تپش میں اضافہ ہوتا جا رہا ہے،ڈاکٹرمالک

تربت(پ ر) نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ ‘ مرکزی سیکرٹری جنرل جان محمد بلیدی، سید مولا برکت بلوچ اور فضل کریم نےکہاہے کہ نیشنل پارٹی ایک قومی و جمہوری سیاسی جماعت ہے جو بلوچستان کے عوام کے بنیادی قومی و سیاسی حقوق کے لیے جمہوری حکمت عملی کے تحت سیاسی جدوجہد کررہی ہے بلوچستان کی موجودہ حکومت تاریخ کی کرپٹ ترین حکومت ہے جس نے چار سالوں کے ترقیاتی فنڈ ہضم کر لیےجس کا ایک نشان بھی زمین پر نہیں چوڑا۔ نوبت یہاں تک پہنچی ہے کہ وہ تربت سٹی میں گزشتہ حکومت کے لگائے گے درختوں کو پانی تک نہیں دے سکتے ہیں ۔ ان سے اچھائی کی امید رکھنا اپنے آپ کو دھوکے میں رکھنے کے برابر ہےا ن خیالات کااظہارانہوں نے گورکوپ، جمک، نیامی کلگ، سری کلگ اور سولانی سے کونسلر بہادین، کونسلر شہزاد فیروز، کونسلر خدادوست، ایوب پیرمحمد، کی قیادت میں سینکڑوں افراد کی ریجنل سیکرٹریٹ میں نیشنل پارٹی میں باقاعدہ شمولیت کے موقع پر خطاب میں کیارہنمائوں نے کہاکہ نیشنل پارٹی نے ضلع کیچ کو تعلیم میں پہلی پوزیشن دلائی یہ نیشنل پارٹی کے قومی ویژن کو ظاہر کرتا ہے۔ انھوں نے کھاکہ بلوچستان اس وقت شدید سیاسی مسائل و مشکلات کا شکار ہے بلوچستان میں جو آگ لگائی گئی تھی اس کی تپش میں روز افزوں اضافہ ہوتا جارہا ہے۔ انھوں نے کہاکہ حالیہ حکومت اور یہاں کے نمائندے سلیکٹیڈ ہیں ان کو عوام نے ووٹ نہیں دیا بلکہ سیاسی مداخلت اور ٹپہ لگا کر ان کو عوام پر مسلط کردیا گیا۔ انھوں نے کھاکہ پیدارک و گورکوپ بنیادی سہولیات سے محروم ہیں علاقے کے نمائندوں کو یہاں کے لوگوں اور ان کے مسائل سے کوئی دلچسپی نہیں ہے۔ انھوں نے کھاکہ سیاسی انجینئرنگ کا نتیجہ ہے کہ بلوچستان آج جل رہا ہے اور کسی کے کانوں میں جوں تک نہیں رینگتی۔ انھوں نے کھاکہ سیاسی لوٹوں سے بہتری کی امید نہیں کیا جاسکتا ہے۔ انھوں نے کھاکہ 2023 کے انتخابات میں نیشنل پارٹی ان لوٹوں کو عوام کی طاقت و قوت سے شکست فاش سے دوچار کرے گا۔ انھوں نے کھاکہ سیاسی انجینئرنگ کا نتیجہ ہے کہ ملک شدید معاشی و سیاسی بحران کا شکار ہوچکا ہے مہنگائی آسمان تک پہنچ چکا ہے بے روزگاری عام ہوگئی ہے۔ لوگوں کو کھانے میں دو وقت کی روٹی میسر نہیں۔ انھوں نے کھاکہ نیشنل پارٹی کا ویژن پڑھا لکھا بلوچستان ہے۔ جس کے لیے بھرپور جدوجہد کی ضرورت ہے۔ اس موقع پر نیشنل پارٹی کے مرکزی رہنما جسٹس ریٹائرڈ شکیل احمد بلوچ، واجہ ابوالحسن، ڈاکٹر نور بلوچ، مشکور انور، نثار احمد بزنجو، محمد جان دشتی، فداجان بلیدی، ناصر رند، رجب یاسین،طارق بابل بوھیر صالح، حفیظ علی بخش اور دیگر رہنما بھی موجود تھے۔