گورنر خیبر پختونخوانے انتخابات کی کوئی تاریخ نہیں دی، الیکشن کمیشن

اسلام آباد(مانیٹرنگ ڈیسک) الیکشن کمیشن آف پاکستان نے وضاحت کی ہے کہ گورنر خیبرپختونخوا کی جانب سےصوبائی اسمبلی کے انتخابات کے لئے تاحال کوئی تاریخ نہیں دی گئی ہے۔اپنے ایک بیان میں الیکشن کمیشن کا کہنا ہے کہ گورنر نے اپنے خط میں عام انتخابات کے انعقاد کے لئے سیاسی جماعتوں اور سیکورٹی اداروں سے مشاورت کرنے کی تجویز دی۔خیال رہے کہ اس سے قبل ایک خبر سامنے آئی تھی جس میں بتایا گیا تھا کہ گورنر خیبرپختونخوا نے صوبے میں عام انتخابات کے لئے الیکشن کمیشن کو اپریل کی 16 تاریخ تجویز کی ہے۔