اسلام آ باد ( نمائندہ جنگ ) وزیراعظم کا ایگزیکٹو الاؤنس سے محروم افسران کو150فیصد الاؤنس دینے کا فیصلہ کرتے ہوئے کہا ہے کہ گریڈ17سے22کے ایگزیکٹو الاؤنس سے محروم افسران کو2017کی بنیادی تنخواہ پر 150 فیصد الاؤنس ملے گا۔ تفصیلات کے مطابق وزیرِ اعظم شہباز شریف نے وفاقی سیکٹریٹ کے افسران کی تنخواہوں میں موجود غیر منصفانہ فرق ختم کرنے کا فیصلہ کیا ہے۔ وزیر اعظم آفس کے اعلامیہ کے مطا بق گریڈ 17 سے 22 کے وفاقی سیکٹریٹ کے وہ افسران جو گذشتہ فیصلے سے ایگزیکٹو الاؤنس سے محروم رہے، ان کو حکومت کا 2017 کی بنیادی تنخواہ پر 150 فیصد ایگریکٹیو الاؤنس دینے کا فیصلہ کیا ہے۔ فیصلے کا اطلاق یکم جنوری 2023 سے ہوگا۔ فیصلہ وزیرِ اعظم کی ہدایت پر وزیرِ خزانہ سے مشاورت کے بعد کیا گیا۔