شاہد خاقان عباسی ہماری پارٹی کا اثاثہ، جلد ملاقات کروں گی، مریم نوا ز

02 فروری ، 2023

لاہور (آئی این پی ) پاکستان مسلم لیگ ن کی چیف آرگنائزر مریم نوا زنے کہا ہے کہ شاہد خاقان عباسی ہماری پارٹی کا اثاثہ ہیں اور ان سے جلد ملاقات کروں گی۔ مسلم لیگ ن کے پارٹی سیکریٹریٹ ماڈل ٹائون میں اہم مشاورتی اجلاس ہوا جس کی صدارت چیف آرگنائزر مریم نواز نے کی۔ اجلاس میں مریم نواز کے تنظیمی دوروں کے حوالے سے مشاورت اور شاہد خاقان عباسی کے پارٹی عہدے سے مستعفی ہونے کی گونج رہی۔ پارٹی ذرائع کے مطابق مریم نواز نے پارٹی رہنمائوں کو شاہد خاقان عباسی کے تحفظات دور کرنے کی یقین دہانی کروا دی ۔ پارٹی کو مستحکم کرنے کے لیے مریم نواز نے رہنماوں سے تجاویز بھی مانگی ہیں ۔اجلاس میں لیگی رہنما محمد زبیر، انوشہ رحمان، عظمی بخاری، ملک احمد خان، طلال چوہدری، عابد شیر علی، میاں جاوید لطیف سمیت دیگر رہنماں نے شرکت، کی جبکہ سوشل میڈیا کی ٹیموں کے سربراہان نے بھی خصوصی شرکت کی۔