گھر پرپولیس چھاپے کے دوران کیابھارتی جاسوس کو ڈھونڈا جارہاتھا؟مونس الٰہی

لاہور ( این این آئی) سابق وزیراعلیٰ پنجاب چوہدری پرویز الہٰی کے صاحبزادے سابق وفاقی وزیر مونس الہٰی نے گجرات میں اپنی رہائش گاہ پر چھاپے کی شدید الفاظ میں مذمت کرتے ہوئے کہا ہے کہ گھرپولیس چھاپے کے دوران کیابھارتی جاسوس کو ڈھونڈا جارہاتھا؟نہ کوئی وارنٹ نہ کوئی کیس، پولیس اپنی 25گاڑیوں اور2کالے ویگوکے ساتھ آئی تھی ۔پنجاب پولیس نے گجرات میں سابق وزیراعلی ٰ کی رہائش گاہ کنجاڑی ہائوس پر چھاپہ مار کر ملازمین سے پوچھ گچھ کی تھی۔ مونس الہٰی نے سوشل میڈیا پر ایک بیان میں کہا کہ پولیس نے رات گئے گجرات میں ہمارے گھر پر چھاپہ مارا، نہ کوئی وارنٹ نہ کوئی کیس، پولیس کی 25گاڑیاں آئی تھیں۔مونس الہٰی نے لکھا کہ پولیس کی 25گاڑیاں تو سمجھ آتی ہیں لیکن ساتھ میں 2 کالے ویگو کیا کر رہے تھے؟ کیا بھارتی جاسوس کو ڈھونڈ رہے تھے؟