خود کش حملہ آور پولیس لائنز میں مہمانوں کے روپ میں داخل ہوا، ٹیم

پشاور(صباح نیوز)پولیس لائنز مسجد دھماکے کی تفتیشی ٹیم نے انکشاف کیا ہے کہ خود کش حملہ آور مہمانوں کے روپ میں پولیس لائنز میں داخل ہوا۔پولیس لائنز اور اطراف کی تمام سی سی ٹی وی فوٹیجز بھی حاصل کرلی گئیں۔ تفتیشی ٹیم کے مطابق حملہ آور کو پولیس لائنز سے سہولت ملنے کا عنصر تحقیقات میں شامل ہے۔تفتیشی ٹیم نے بتایا کہ ابتدائی طور پر مختلف اوقات میں آنے والے چار مشتبہ افراد کی انٹری پر کام جاری ہے اور دیکھنا ہوگا کہ مشتبہ افراد سہولت کار تو نہیں تھے۔خودکش حملہ آور کے اعضا کے ڈی این اے ٹیسٹ کے بعد پیش رفت رپورٹ سامنے آئے گی۔