اسٹریٹ کرائمز کی 114 وارداتیں، وزیراعلیٰ کو رپورٹ پیش

کراچی ( اسٹاف رپورٹر) وزیراعلیٰ سندھ سید مراد علی شاہ کوگذشتہ 24 گھنٹوں کے دوران جرائم سے متعلق کیے جانے والے اقدامات پر ایڈیشنل آئی جی کراچی جاوید اوڈھو نے اپنی رپورٹ پیش کی جس میں بتایا گیا کہ گزشتہ 24گھنٹوں کے دوران شہربھرمیں114اسٹریٹ کرائمز کی وارداتیں رپورٹ ہوئیں جن میں36موبائل/نقدی ،8 موٹر سائیکل چھیننے اور70چوری ہونےکی وارداتیں شامل ہیں، پولیس اور جرائم پیشہ افراد کے درمیان 3مقابلے ہوئے جس میں5جرائم پیشہ افراد کو زخمی حالت میں 9 اسٹریٹ کرمنلز /چوروں کو رنگے ہاتھوں گرفتار کیا گیا، مجموعی طورپر150ملزمان کی گرفتاری عمل میں لائی گئی جن میں21 اسٹریٹ کرمنلز / ڈاکو،27 کارلفٹرز،2 قاتل،15افراد کوغیر قانونی اسلحہ رکھنے پر،18 منشیات فروش / سپلائیر جبکہ67 دیگر جرائم میں ملوث افراد کو گرفتار کیاگیا، 15 غیر قانونی اسلحہ ،5 کلو گرام چرس، 5 چوری کے موبائل فون ،3 کاریں اور32 موٹر سائیکلیں برآمد کی گئیں ۔