شیخ رشید احمد رات گئے اسلام آباد میں گرفتار بھتیجے شیخ راشد شفیق نے تصدیق کردی

اسلام آباد(خصوصی نامہ نگار) پاکستان عوامی لیگ کے سربراہ سابق وفاقی وزیر شیخ رشید احمد کو رات گئے اسلام آباد میں گرفتار کرلیا گیا ہے۔تھانہ آبپارہ نے گرفتاری سے لاعلمی کا اظہار کیا ہے تاہم شیخ رشید احمد کے بھتیجے سابق رکن قومی اسمبلی شیخ راشدشفیق نے گرفتاری کی تصدیق کرتے ہوئے کہا ہے کہ انہیں بہارہ کہو سے گرفتار کیا گیا ہے۔اطلاعات کے مطابق شیخ رشیداحمد کو مری پولیس نے موٹروے سے گرفتار کیا ہے۔تھانہ بہارہ کہو ، آئی جی ہائوس اسلام آباد پولیس کنٹرول اورراولپنڈی پولیس کنٹرول نے بھی گرفتاری سے لاعلمی کا اظہار کیا ہے۔