پشاورحملہ،چینی صدراوروزیراعظم کاشہبازشریف کوتعزیتی پیغام

اسلام آباد( نمائندہ جنگ) چینی صدر شی جن پنگ نے وزیراعظم شہباز شریف کے نام تعزیتی پیغام میں چینی حکومت اور عوام کی جانب سے پشاور میں دہشتگردی کے واقعہ میں شہید ہونے والوں کے لواحقین سے تعزیت اور زخمیوں کی جلد صحت یابی کیلئے نیک خواہشات کا اظہار کیا ہے۔ چینی صدر نے کہا کہ چین انسداد دہشتگردی کے قومی ایکشن پلان کو فروغ دینے، سماجی استحکام کو برقرار رکھنے اور عوام کی سلامتی کے تحفظ کیلئے پاکستان کی بھرپور حمایت جاری رکھے گا اور خطے اور دنیا میں امن و سلامتی کے مشترکہ تحفظ کیلئے پاکستان کیساتھ انسداد دہشتگردی تعاون کو مزید گہرا کرنے کیلئے تیار ہے۔وزیر اعظم لی کی چیانگ نے بھی وزیر اعظم شہباز شریف کو تعزیتی پیغام بھیجا ہے ۔یکجہتی کے اظہار پر وزیراعظم نے چینی صدر اور چینی وزیراعظم کا شکریہ ادا کیا ہے۔