فرانس ، پنشن اصلاحات اور مہنگائی کیخلاف ہڑتال، لاکھوں افراد کا احتجاج

پیرس (رضا چوہدری/ نمائندہ جنگ )فرانس بھر میں ریٹائرڈمنٹ ، پنشن اصلاحات اور مہنگائی کے خلاف فرانس میں دوسرے راونڈ کی سخت ہڑتال ، زیر زمین چلنے والے میٹروسمیت ریلوے کا نظام معطل، بس ڈرائیورز کی ہڑتال میں شمولیت سے ٹرانسپورٹ کا مکمل نظام تعطل کا شکار رہا،لاکھوں افراد کو سخت مشکلات کا سامنا رہا ، شاہراہوں سڑکوں پر گھنٹوں ٹریفک جام رہی ، اراس" سے لے کر" نیس "تک، پنشن اصلاحات کے مخالف جلوسوں اور مارچ میں لاکھوں افراد نے شرکت کی -پیرس سمیت درجنوں فرانسیسی شہروں اور قصبوں میں دس لاکھ سے زیادہ لوگ صدر ايمانوئل ماکروں کی جانب سے ملک میں پينشن کے حوالے سے متعارف کردہ اصلاحات کے خلاف سڑکوں پر نکل آئے۔ منگل، 31 جنوری کی ہڑتال 19 جنوری کی ہڑتال سے زیادہ موثر رہی تعلیمی اداروں دفاتر اور کاروباری مراکز میں بہت کم لوگ نظر آئے ، لاکھوں فرانسیسی عوام کا خیال ہے کہ ٹریڈ یونینیں کی ہڑتال حکومت کو اصلاحات سے روکنے میں کامیاب ہو جائے گیں۔