لوگ سوشل میڈیا پر اشتہارات دیکھ کر دانتوں کا علاج خود نہ کریں، ڈینٹسٹ کا انتباہ

سٹیفورڈ(مریم ٖفیصل) سوشل میڈیا کا اثر اتنا بڑھ گیا ہے کہ لوگ اس پر چلنے والے اشتہارات دیکھ کر اپنا علاج بھی خود کرنے لگے ہیں برطانیہ میں ڈینٹسٹ لوگوں کو خبردار کر رہے ہیں کہ سوشل میڈیا پر دانتوں کے علاج کے متعلق چلنے والے اشتہارات سے متاثر ہوکر اپنا علاج خود سے نہ کریں نہ ہی ایسی اشیاء کو کسی ایکسپرٹ کی ہدایت کے خریدیں جو دانتوں کیلئےہوں ایسے اشتہارات لوگوں میں بہت مقبول ہورہے ہیں جن میں دانتوں کو سفید کرنے اور سیدھا کرنے کے آلات صرف چند پونڈز کے عوض ماہانہ ادائیگی کی بنیاد پر مل جاتے ہیں، ڈینٹسٹ خبردار کر رہے ہیں کہ دانت بہت نازک ہوتے ہیں اگر بنا کسی ایکسپرٹ کے مشورے کے کچھ بھی لگانے کیلئے استعمال کیا جائے تو دانتوں کو خراب کر سکتا ہے ، اس طریقے کو ڈی آئی وائے یعنی خود سے کرنا کہا جاتا ہے،اس میں آپ کو کسی ایکسپرٹ کے مشورے کی ضرورت نہیں بلکہ اس سے متعلق ویڈیو دیکھ کر کچھ بھی لگایا یا استعمال کیا جاسکتا ہے ۔