پشاور کی مسجد میں خودکش دھماکہ قابل مذمت ہے ،سرور بھٹی

اٹلی(پ ر)آل پاکستان کرسچین لیگ کے چیئرمین سرور بھٹی نے پشاور پولیس لائن کی مسجد میں خودکش دھماکے کی مذمت کرتے ہوئے کہا کہ پاکستان اس وقت جس معاشی بحران سے گزر رہا ہے اس قسم کی دہشت گردی پاکستان کی سالمیت کیلئے خطرہ ہے ملک کو ان حالات میں سیاسی استحکام کی بھرپور ضرورت ہے۔ سیاستدان عقل کے ناخن لیں اور صرف اپنے مفادات اور اکڑ کی خاطر پاکستان کے مستقبل کو دائو پرنہ لگائیں، ملک رہے گا تو سیاست ہو گی ورنہ تباہی و بربادی کے سوا کچھ ہاتھ نہیں آئے گا۔ اللہ تعالیٰ شہیدوں کے درجات کو بلند اور زخمیوں کو صحت دے ۔