صحافی مبین چوہدری کی وفات پر سویڈن کی تنظیموں کا اظہارِ تعزیت

اسٹاک ہوم (نمائندہ جنگ) پی پی سی یو کے، کے سابق صدر مبین چوہدری کی وفات پر سویڈن میں مقیم جنید نواز چوہدری، محمد سرور،حیدر شاہ بخاری، عارف محمود کسانہ، منیر حسین، عاصم فیض، شازیہ اسماعیل، حمیرا تنویر، زبیر حسین، انصر بسرا، ارشد ملتانی، ملک شہزادسمیت دیگر نے تعزیت اور دکھ کا اظہار کیا ہے۔ پی پی سی اسکینڈے نیویاکے ترجمان کا کہنا تھا کہ محب وطن، بہترین دوست اور رہنمائی کرنے والی شخصیت کا یوں دنیا کو خیر باد کہنا اوورسیزپاکستانی صحافت میں ایسا خلا پیدا کرگیا جسے پُر کرنا آسان نہ ہوگا۔پاکستان یونین آف جرنلسٹ اسکینڈے نیویا کے عہدیداران کا کہنا ہے کہ مبین چوہدری کی وفات نے اوورسیز پاکستانی صحافت کے ایک ایسے باب کو بند کردیا جہاں سے نئی آنے والی نسلوں کے لئے رہنمائی اور صحافتی کاوشوں کو بہتر بنانے کی ہر ممکن کوشش ہوتی تھی۔