عمان میں جھولا گرنے سے سات بچے زخمی

مسقط(نیوز ڈیسک)عمان کے کنونشن اینڈ ایگزی بیشن سینٹر میں فیسٹیول کے دوران ایک جھولا گر گیا جس کے نیچے دب کر ایک خاتون اور 7بچے شدید زخمی ہوگئے۔ عرب میڈیا کے مطابق جھولا گرنے کا واقعہ عمان کے دارالحکومت مسقط میں پیش آیا ۔ فیسٹیول میں بڑی تعداد میں شہری موجود تھے۔سول ڈیفنس اینڈ ایمبولینس اتھارٹی نے امدادی کاموں کے دوران جھولے میں پھنسے ایک درجن سے زائد افراد کو باہر نکالا اور 8زخمیوں کو اسپتال منتقل کیا۔ زخمیوں کو شدید چوٹیں آئی ہیں تاہم وہ خطرے سے باہر ہیں۔پولیس کا کہنا ہے کہ حادثے کی تحقیقات کیلئے کمیٹی تشکیل دےدی ہے تاہم ابتدائی طور پر لگتا ہے کہ حادثہ تکنیکی خرابی کے باعث ہوا۔