ناروے میں تعینات سفیر پاکستان نے چارج سنبھال لیا

اوسلو (ناصراکبر) ناروے میں نئی تعینات پاکستانی سفیر سعدیہ الطاف قاضی نے اپنے عہدے کا چارج سنبھال لیا۔ سفیر پاکستان سعدیہ الطاف قاضی نے اوسلو کے رائل پیلس میں ناروے کے بادشاہ ہیرالڈ پنجم کو اسناد سفارت پیش کیں۔ اس موقع پر سعدیہ الطاف نے ہیرالڈ پنجم کو صدر پاکستان، وزیر اعظم پاکستان اور پاکستانی عوام کی طرف سے ناروے کی عوام کیلئے نیک خواہشات کا پیغام پہنچایا، اس موقع پرناروے کے بادشاہ ہیرالڈ پنجم نے پاکستان کی قیادت کیلئےخیر سگالی کے جذبات کا اظہار کیا اورپاکستانی عوام کی مزید ترقی و خوشحالی کیلئے نیک خواہشات کا اظہار کیا۔اس موقع پر ہیرالڈ پنجم نے ناروے کی ترقی میں پاکستانیوں کے کردار کو سراہا اور ان کی خدمات کا اعتراف کیا۔