کب تک ڈریں گے، دہشگردوں سے مذاکرات کیوں ؟جسٹس قاضی فائز

اسلام آباد(جنگ رپورٹر)عدالت عظمیٰ کے سنیئر ترین جج جسٹس قاضی فائز عیسیٰ نے دہشتگردوں کیساتھ مذاکرات پر سوالات اٹھادئیے ہیں،گزشتہ روز ایک مقدمہ کی سماعت کے دوران جسٹس قاضی فائز عیسی نے استفسار کیا کہ دہشتگردوں کیساتھ مذاکرات کیوں کیے جارہے ہیں ؟دہشتگردوں سے کب تک ڈریں گے؟کہا جاتا ہے کہ دہشتگردوں کو یہ دو وہ دو،کبھی کہا جاتا ہے دہشتگردوں سے مذاکرات کرو،اس تمام کارروائی کے دوران ریاست کہاں ہے؟انہوں نے کہا کہ آج دہشتگرد دو بندے ماریں گے کل کلاں پانچ مار دیں گے،پتہ نہیں ہم کس معاشرے میں جی رہے ہیں،ایک جج نے دہشتگردی کے واقعہ پر رپورٹ دی اس کو ردی کی ٹوکری میں پھینک دیا گیاہے، فاضل جج کا کہنا تھا کہ لمبی داڑھی رکھنے سے بندہ مسلمان یا اچھا انسان نہیں بن جاتا ،ہمارے ایک جج کو مار دیا گیا، کسی کو پرواہ ہی نہیں ۔