IMF سے مذاکرات جاری، بجلی 3 روپے یونٹ مہنگی، سبسڈی سو یونٹ تک دی جائے گی

اسلام آباد(نیوز ایجنسیاں) آئی ایم ایف سے جاری مذاکرت میں وفاقی حکومت نے اگلے ماہ بجلی 3روپے یونٹ مہنگی کرنیکا فیصلہ کیا ہےجبکہ 100 یونٹ تک بجلی کےاستعمال پر غریب صارفین کو سبسڈی دیجائیگی،مئی میں 70پیسے مزید اضافہ ہوگا ،نئے مالی سال کے پہلے مہینے تک بجلی 6روپے یونٹ مہنگی ہوجائیگی،آئی ایم ایف نے300یونٹ تک سبسڈی کی تجویز ختم کرنے اور 4100ارب روپے کا گردشی قرضہ ختم کرنے کا بھی مطالبہ کیا ہے،توانائی شعبے پر مذاکرات میں حکومت نے سرکلر ڈیٹ مینجمنٹ پلان بھی فنڈ کو دیدیا،وزیرمملکت برائے خزانہ ڈاکٹر عائشہ غوث پاشا نے کہا حکومت کو ملک کی ترقی اور غریب آدمی کیلئے سوچنا ہے۔ ذرائع کے مطابق بجلی کی قیمت میں اضافے سے 200ارب روپے ریونیو حاصل کیا جائے گا، گردشی قرض میں 952 ارب روپے ایڈجسٹ ہوگا جبکہ صارفین کو ملنے والی 675 ارب روپے کی سبسڈی بھی ختم کر دی جائیگی،بجلی کے شعبے میں گردشی قرضہ 2500 ارب روپے ہے جبکہ گیس کے سیکٹر کا گردشی قرضہ 1600 ارب تک پہنچ چکا ہے۔