ایم کیو ایم کا کراچی کے قومی اسمبلی کے ضمنی انتخابات میں حصہ لینے کا فیصلہ

کراچی(اسٹاف رپورٹر) ایم کیو ایم رابطہ کمیٹی کا اہم اجلاس ڈاکٹر خالد مقبول صدیقی کی صدارت میں ہوا جس میں مارچ ہونے والے کراچی کے قومی اسمبلی کے ضمنی انتخابات میں بھرپور حصہ لینے کا فیصلہ کیا گیا، اس سلسلے میں تمام شعبہ جات اور ونگز کو انتخابات کی تیاری کے لئے ہدایات جاری کی گئیں، اجلاس میں سانحہ پولیس لائنز پشاور کے شہداء اور مواچھ گوٹھ کیماڑی میں جاں بحق بچوں کے ایصال ثواب کے لئے دعا کی گئی۔اجلاس میں فیصلہ کیا گیا کہ تمام حلقوں میں الیکشن سیل اپنے دفاتر قائم کریں جبکہ سی ای سی کے ذمہ داران عوامی رابط مہم شروع کریں اور رابط کمیٹی تمام شعبوں کو معاونت فراہم کریں گی ،ضمنی الیکشن کی تمام مہم کو براہ راست انیس قائم۔خانی اور وسیم اختر دیکھے گے جبکہ خالد مقبول صدیقی۔فاروق ستار۔مصطفٰی کمال ۔خواجہ اظہار اور دیگر رہنما عوامی رابط مہم اور کارنر میٹنگ میں شرکت کریں گے۔