شیخ رشید سے بدسلوکی کی نہ کوئی تکلیف پہنچائی گئی،اسلا م آبادپولیس

اسلام آباد (خصوصی نامہ نگار)کیپیٹل پولیس نے سابق وزیر داخلہ شیخ رشید کی گرفتاری کے بعد لگائے گئے الزامات کو مسترد کر دیا ہے، ترجمان کا کہنا ہے کہ شیخ رشید کو جس حالت میں گرفتار کیا گیا ہے اس بابت مزید کہنا تفتیش کو متاثر کرے گا، شیخ رشید کے گھر پر کوئی بچے موجود نہیں تھے۔ کوئی شیشے توڑے گئے اور نہ ہی توڑ پھوڑ کی گئی۔ شیخ رشید نے پولیس افسران سے بدسلوکی کی اور نازیبا زبان استعمال کی۔شیخ رشید یا گھر پر موجود کسی ملازم سے کسی قسم کا ناروا سلوک نہیں کیا گیا۔ کیپیٹل پولیس منفی پراپیگنڈے کی بھرپور مذمت کرتی ہے۔عدالتوں کے اندر اور باہر نظم و ضبط کا قانون کے مطابق مظاہرہ کیا جائے۔انہیں کوئی تکلیف نہیں پہنچائی گئی بلکہ ان کی بدزبانی اور ناروا سلوک کے باوجود پولیس نے صبر و تحمل کا مظاہرہ کیا۔ غلط بیانی سے گریز کیا جائے پولیس تمام قانونی تقاضے پورے کررہی ہے ۔