کوہاٹ میں ٹریفک حادثہ،خواتین وبچوں سمیت17افرادجاں بحق

کوہاٹ (نمائندہ جنگ)کوہاٹ میں انڈس ہائی وے پر ٹریفک کے المناک حادثے میں خواتین اوربچوں سمیت 17مسافرجاں بحق ایک زخمی ۔معلوم ہواہے کہ جمعرات کی شب کوہاٹ انڈس ہائی وے پر ٹنل کے قریب مسافر ہائی ایس کوچ اور ٹرالر میں تصادم ہوا،حادثہ اس قدرشدید تھا کہ کوچ میں سوارمسافروں کے جسم کے ٹکڑے ٹکڑے ہوگئے۔کوچ جنوبی وزیرستان سے پشاورآرہی تھی راستے میں حادثے کا شکارہوگئی۔ حادثے کے بعد ریسکیو 1122کوہاٹ کی امدادی ٹیمیں جائے وقوعہ پہنچیں ۔ جہاں پر حادثے میں جاں بحق اورزخمیوں کوفوری طورپرڈی ایچ کیوہسپتال منتقل کیا گیا۔حادثے میں دونوں گاڑیاں تباہ ہوگئیں ۔ لاشوں کی حالت بہت خراب ہے۔ ہسپتال ذرائع کے مطابق جاں بحق ہونے والے 17افراد میں تین خواتین اور دو بچے شامل ہیں ، کہ زخمی ہونے والے ایک مسافر کا تعلق ضلع لکی مروت سے بتایا گیاہے۔جائے وقوعہ سے معلوم ہواہے کہ تیزرفتاری کے باعث مخالف سمت سے آنے والاٹرالر گاڑی سواریوں سے بھری فلائنگ کوچ پر چڑھ دوڑا ۔حادثہ اتنا شدید تھا کہ انسانی لاشیں ٹکڑوں میں تبدیل ہوگئیں۔ حادثے میں ہلاکتوں میں اضافے کا خدشہ ہے ۔