سازش کے تحت شہر کو غیر محفوظ اور بدامنی کا شکار بنایا جارہا ہے، آفاق احمد

کراچی (اسٹاف ر پو ر ٹر)چیئر مین آفاق احمد نے اپنی رہائشگاہ پرآئے مہاجر اکابرین کے ایک وفد سے ملاقات میں شہر بھر میں تیزی سے بڑھتے اسٹریٹ کرائم کی وارداتوں اور ان میں ہونے والے مہاجر نوجوانوں کی ہلاکتوں پر گہرے غم و غصے کا اظہار کرتے ہوئے کہا ہے کہ شہر میں موجود غیر قانونی بستیوں کے خلاف قانونی کارروائی عمل میں لائی جائے جبکہ غیر قانونی تارکین وطن کو بے دخل کر کےملکی سلامتی کو محفوظ بنانا ناگزیر ہوچکا۔ منظم سازش کے تحت شہر کو غیر محفوظ اور بدامنی کا شکار بنایا جارہا ہے،جس کیلئے حکومتی سرپرستی میں شہر بھر میں سیکڑوں کچی بستیا ں بسائی گئیں ہیں جبکہ مقامی افراد کے حصے کی بنیادی سہولتیں فراہم کرکے انہیں طاقت بخشی جارہی ہے۔آفاق احمد نے کہا کہ شہرکی بیشترکچی بستیاں جرائم پیشہ عناصرکی آماجگاہ بن چکی ہیں جہا ں قانون نافذکرنے والے اداروں تک کو جانے کی آزادی نہیں بلکہ یہ کہنا غلط نہ ہوگا کہ وہاں قبائلی نظام مسلط کرکے اسلامیہ جمہوریہ پاکستان کی رٹ کو چیلنچ کردیا گیاہے جس پر حکومتی اداروں کی خاموشی تشویشناک ہے۔