بوڑھے ڈی ایس پی ٹریفک سے خاتون کی بدتمیزی، ویڈیو وائرل

کراچی(اسٹاف رپورٹر/آئی این پی)کراچی کے علاقے پی آئی ڈی سی میں ٹریفک سیکشن پر خاتون کی جانب سے بوڑھے ڈی ایس پی ٹریفک کے ساتھ بدتمیزی کا واقعہ پیش آیا ہے۔ خاتون کی ڈی ایس پی ٹریفک سے بدتمیزی کی ویڈیو وائرل ہوگئی۔ ٹریفک پولیس کے مطابق خاتون کی کار کو فینسی نمبر پلیٹ اور ٹنٹڈ گلاسز کی وجہ سے روکا گیا تھا۔خاتون نے ٹریفک پولیس سے تعاون کے بجائے بدتمیزی شروع کردی تھی۔ اس دوران ٹریفک پولیس کے افسران خاتون سے تعاون کی اپیل کرتے رہے تاہم خاتون طیش میں آگئی اور ڈی ایس پی ٹریفک اشتیاق حسین کو دھکے دینے لگیں اور انہیں تھپڑ بھی مار دیا۔ایس ایس پی ساؤتھ کی جانب سے واقعہ کا نوٹس لینے کے بعد واقعہ کا مقدمہ ڈی ایس پی کی مدعیت میں درج کر لیا گیا،مقدمہ میں خاتون انعم اور اس کا بھائی نیوی افسر اسد نامزد کیاگیا ہے، مقدمہ سول لائن تھانے میں کار سرکار میں مداخلت اور ٹریفک قوانین کی خلاف ورزی کی دفعات کے تحت درج کیا گیا ہے۔