اداروں نے منہ موڑ لیا‘ ہم بات کرنا چاہتے ہیں، فواد چوہدری

اسلام آباد (این این آئی)تحریک انصاف رہنما فواد چوہدری نے کہا ہے کہ پی ٹی آئی اداروں سے بات کرنا چاہتی ہے‘ادارے منہ موڑ کر بیٹھے ہیں‘اداروں کو فیصلہ سازی کا حق عوام کو دینا ہوگا‘ ریاست اداروں کے بغیر نہیں چل سکتی‘جھگڑا یہ ہے کہ ہم چاہتے ہیں پاکستان کے فیصلے عوام کریں نہ کہ کوئی اور کرے‘میرے ساتھ تشدد نہیں کیا گیا،مجھے چار سینئر وزیروں نے ہم اس کے پیچھے نہیں‘ جو جج الیکشن 90دنوں سے آگے لےجانے کی بات کریگا آئین شکنی کامرتکب ہوگا‘جو انتظامیہ 90دن سے زیادہ کام کرے گی وہ آرٹیکل 6 کی مرتکب ہوگی‘جب تک افغانستان کی قیادت سے معاونت نہیں ہوگی کالعدم تحریک طالبان کا معاملہ حل نہیں کیا جا سکتا، موجودہ حکومت کی افغانستان سے متعلق کوئی پالیسی نہیں ‘ افغانستان کی موجودہ قیادت اگر پاکستان میں کسی پراعتماد کرتی ہے تو وہ عمران خان ہیں۔ پی ٹی آئی رہنماؤں کے ہمراہ پریس کانفرنس کرتے ہوئے فواد چوہدری نے کہا کہ بلاول بھٹو امریکا کے متعدد دورے کر چکا ہے مگر آج تک وہ افغانستان نہیں گیا اور نہ ہی شہباز شریف نے افغانستان سے متعلق کوئی اجلاس بلایا۔طاقت کے استعمال سے معاملات پیچیدہ ہوں گے کیونکہ طاقت کا استعمال حکمت عملی ضرور ہے مگر مکمل حکمت عملی نہیں ہے۔