مسئلہ کشمیر کےحل تک ہماری جد و جہد جاری رہے گی، سردار تنویر الیاس

اسلام آباد (آئی این پی) وزیر اعظم آزاد ریاست جموں کشمیر سردار تنویر الیاس نے کہا ہے کہ کشمیری تکمیل پاکستان کی جنگ لڑ رہے ہیں،سیاسی اختلافات اپنی جگہ لیکن کشمیر کے معاملے پر پاکستان کی 22 کروڑ عوام یک جان دو قالب ہے، کشمیر کے مسئلے کے حل تک ہماری جد و جہد جاری رہے گی۔ یوم یکجہتی کشمیر کے حوالے سے اپنے خصوصی پیغام میں انکا کہنا تھا کہ بانی پاکستان قائد اعظم محمد علی جناح نے کشمیر کو پاکستان کی شہ رگ قرار دیا تھا، شہ رگ کے بغیر ہم زندگی کا تصور کیسے کرسکتے ہیں؟؟ ہر سال ہم 5 فروری کو یوم یکجہتی کشمیر کے طور پر مناتے ہیں ، کشمیر کے معاملے پر بغیر کسی تفریق کے ، سیاسی و گروہوں اختلافات کو پس پشت ڈال کر پاکستان کی 22 کروڑ عوام متحد ہو کر کشمیریوں کے حق کے لیے آواز بلند کرتی ہے، ہم اقوام عالم کو یہ باور کرانا چاہتے ہیں کہ تقسیم ہندوستان کا ایجنڈا اس وقت تک ادھورا ہے جب تک کشمیر آزاد نہیں ہوجاتا، کشمیر محض زمین کا ٹکڑا نہیں بلکہ یہ ڈیڑھ کروڑ لوگوں کی زندگیوں کا مسئلہ ہے، اقوام متحدہ کی قراردادوں کے مطابق کشمیریوں کو ان کا حق استعمال کرنے کی اجازت دی جائے اور یقینی طور پر کشمیری عوام نے ہی اپنے مستقبل سے تعلق فیصلہ کرنا ہے ہندوستان کی حکومت کو مخاطب کرتے ہوئے وزیر اعظم آزاد کشمیر سردار تنویر الیاس نے تنبیہہ کی کہ وہ اپنے ناپاک عزائم پر عمل درآمد کرنے کی مت سوچے اور کشمیریوں کو ان کی منشا کے مطابق فیصلے کرنے دے۔