2ماہ قبل ماڈل گرل سنہیاکواسکے دوست نے قتل کیا،ملزم گرفتار

کاہنہ،لاہور(نامہ نگار،کرائم رپورٹرسے) دو ماہ قبل قتل ہونے والی ماڈل گرل کے ملزموں کوگرفتارکرلیاگیا ۔ ایس پی انوسٹی گیشن ماڈل ٹاو ن آفتاب احمد پھلروان نے پریس کانفرنس میں ملزم پیش کیے ۔ مدینہ ویوسکیم میں 3دسمبر کی صبح سنیہاگل کوکارسوار نامعلوم ملزمان نے فائرنگ کر کے قتل کردیااورلاش نہر کنارے پھینک دی تھی ۔ ایس پی انویسٹی گیشن کے مطابق ملزم عبداللہ کے مقتولہ سے تعلقات تھے اور شادی کا جھانسہ دیا ہوا تھا جبکہ ملزم کے گھر والوں نے اس کی شادی اس کی کزن سے کر دی جس کا مقتولہ کو رنج تھااوراس نے ملزم کے گھرکےآکر تنگ کرنا شروع کردیا۔ عبداللہ نے زین اور عبدالرحمن عرف جگو کے ساتھ مل کر فائرنگ کر کے قتل کر دیا ، کراچی میں رہائش پذیر تھی اور 30نومبر کو اپنے والدین کےگھرخالق نگر شفٹ ہوئی تھی اور پہلے سے شادی شدہ اور ایک بچے کی ماں تھی ۔