اسلام آباد،راولپنڈی (اے پی پی ، مانیٹرنگ نیوز )پاکستان کی انٹیلی جنس ایجنسیوں نےجھوٹے اور بے بنیاد آپریشن کا بھارتی ایجنسیوں کا بڑا منصوبہ ناکام بنا دیا،بھارتی منصوبے کے مطابق کشمیریوں کو پیسے کا لالچ دیکر سمگلنگ پر آمادہ کیا جاتا ،موقع ملنے پر جعلی آپریشن میں مار دیا جاتا،بعد میں پاکستان پر دراندازی اور دہشتگردی کا الزام لگا کر آپریشن کا رنگ دیا جانا تھا،سی آئی ڈی کا مقبوضہ کشمیر پولیس سر براہ کو مراسلہ منظر عام پر آگیا جس میں منصوبے سے آگاہ کیا اور نظر انداز کرنے کی ہدایات دی جا رہی ہے ، حاجی پیر سیکٹر، اڑی سیکٹر اور ضلع کپواڑہ میں جعلی آپریشن کا بھی ذکرکیا گیا ہے۔ جھوٹ، جعلی مقابلے اور ماورائے عدالت قتل بھارتی فوج کی پہچان بن چکے ہیں، فوجی کشمیریوں کو خود پیسے دیکر سمگلنگ کروا تے ہیں اورسمگلر کو جعلی آپریشن میں مار کر اور اسے آپریشن کارنگ دے کر ذاتی تشہیر کرتے ہیں۔ بھارتی ایجنسیوں کے منصوبے کے مطابق مجبور کشمیریوں کو پیسے کا لالچ دےکر اسمگلنگ پر آمادہ کیا جاتا اور موقع ملنے پر بےخبر اسمگلرز کو جعلی آپریشن میں مار دیا جاتا۔پاکستان کی انٹیلی جنس ایجنسیوں کی جانب سے پتہ لگایا گیا ہے کہ کامیابی پر 50 رائفل، 30 پستول، 20 دستی بم، 50 کلو منشیات آزاد کشمیر سے اسمگلنگ کا ڈرامہ رچایا جاتا، اسمگلنگ کے دوران جعلی اسمگلرز کو بھارتی فوج کے ہاتھوں مروا دیا جاتا۔بھارتی منصوبے کے مطابق کارروائی کو آپریشن کا رنگ دےکر پاکستان پر دراندازی اور دہشت گردی کا الزام لگایا جاتا، آپریشن میں ملوث افسران کو بطور انعام ہتھیار اور تعریفی اسناد سے نوازا جاتا۔پاکستان کی انٹیلی جنس ایجنسیوں کی جانب سے ناکام بنائے گئے منصوبے کے سلسلے میں سی آئی ڈی کشمیر کا جموں و کشمیر پولیس کے سر براہ کو مراسلہ منظر عام پر آیا ہے جس میں سی آئی ڈی کشمیر کا سربراہ جموں و کشمیر پولیس کے سربراہ کو منصوبے سے آگاہ کرتے ہوئے اسے نظر انداز کرنے کی ہدایات دے رہا ہے، مراسلے میں 3راجپوت کے حاجی پیر سیکٹر، 12جاٹ کے اڑی سیکٹر اور ضلع کپواڑہ میں جعلی آپریشن کا ذکر ہے۔ایک رپورٹ کے مطابق بھارتی فوج، را اور جموں کشمیر پولیس کے درمیان مودی سرکار کے سامنے نمبر بنانے کا سخت مقابلہ ہے۔
لاہور پنجاب انفارمیشن کمیشن نے وائس چانسلر زرعی یونیورسٹی فیصل آباد کو اپنے سگے پروفیسر بھائی کے متعلقہ...
اسلام آباد جمعیت العلمائے اسلام ف کے سیکریٹری جنرل رکن قومی اسمبلی مولانا عبدالغفور حیدری نے کہا ہے کہ قومی...
اسلام آباد تین ہفتے گزرنے کے با وجود وفاقی حکومت مستقل آئی جی کی تقرری کا ایشو حل نہیں کرسکی۔ وفاق اور پنجاب...
کراچی تحریک انصاف کے رہنما شیخ وقاص اکرم نے کہا ہے کہ مینڈیٹ چوری کرنے والی پارٹیوں سے مفاہمت دور کی بات ہے...
اسلام آ باد وزیر اعظم شہباز شریف کی ہدایت پریوٹیلیٹی اسٹورزپر و فا قی حکومت نےوزیراعظم ریلیف پیکج جاری...
اسلام آباد جمعیت علمائے اسلام جو 20اپریل سے عوامی اسمبلی کے عنوان سے احتجاجی تحریک شروع کر رہی ہے اور اس کا...
کراچی سندھ ہائی کورٹ نے بھی اڈیالہ جیل میں بانی پی ٹی آئی کی سیکورٹی فل پروف بنانے کا حکم دیدیا۔ چیف جسٹس نے...
اسلام آباد آرمی چیف جنرل سید عاصم منیر سےپاکستان کے دورے پر آئے ہوئے ترکیہ کے چیف آف جنرل سٹاف جنرل متین...