موروثی سیاست اور خاندانوں کے ذریعے تبدیلی نہیں لائی جا سکتی،خالد مقبول

کراچی( اسٹاف رپورٹر) کنونئیر ڈاکٹر خالد مقبول صدیقی نے کہا ہے کہ موروثی سیاست اور خاندانوں کے ذریعے تبدیلی نہیں لائی جا سکتی، ملک میں ٹیکس دینے کا ٹھیکہ صرف کراچی نے نہیں لیا ہوا،تفصیلات کے مطابق ایم کیو ایم مرکز بہادر آباد پر ہفتے کی شام وکلاء کنونشن کا انعقاد کیا گیا جس میں وکلاء برادری، ایم کیو ایم کی لیگل ایڈ کمیٹی ،وکلاء فورم اور رابطہ کمیٹی کے اراکین نے شر کت کی، اس موقع پر خطاب کرتے ہوئے پارٹی کےکنونئیر ڈاکٹر خالد مقبول صدیقی نے کہا کہ جب اس شہر میں گلی گلی باڑ اور حصار تھا جب شہر میں نوجوانوں کو ماورائے عدالت قتل کیا جارہا تھا ہم روپوش تھے لیکن اس وقت اس وکلاء برادری نے ہمارا بھرپور ساتھ دیا اسکو کھبی فراموش نہیں کیا جاسکتا انصاف سب کے لیے ، ظلم کسی صورت برداشت نہیں ۔ریاست کے قیام کا مقصد ہی انصاف کا قیام ہے انصاف کی فراہمی میں ہی ریاست کا استحکام ہے،سچ کی پاداش میں 20 سال جلا وطنی کاٹی ہے تمام پاکستانیوں کو برابر کا شہری تصور کرنا اور حق ملنا یہ ہی انصاف کا پہلا تقاضا ہے ہم خوش نصیب تھے کہ ہمیں آزادی ملی ہم بڑے بدنصیب ہیں کہ ہم نے اسکی قدر نہیں کی آزادی کے لیے 20 لاکھ جانوں کی قیمت ادا کی گئی لاکھوں افراد نے ہجرت کی مشکلات جھیلیں،پاکستان بننے کے بعد انکے ہاتھ میں آیا جو تاریخ کے بہترین غلام ثابت ہوئے بہترین غلام بدترین آقا ثابت ہوتے ہیں آئین معذور ،قانون مجبور ، انصاف مفرور اور اسمبلیوں میں بیٹھے لوگوں کی گردن میں ضمیر برائے فروخت کی تختیاں ، یہ آج کے پاکستان کا نظام کمزور معاشرے جاگیرداروں اور سرمایہ داروں کے تحفظ کے لیے قانون بناتے ہیں،چاہے خان ہو ، زرداری یا شریف ان سے کہا کہ تبدیلی لانی ہے تو پہلے اسمبلیوں میں لائیں جہاں مزدور اور متوسط طبقہ کے بجائے چند خاندان نمائندگی کررہے ہیں۔