خیبرپختونخوا میں انتخابی تیاریاںامیدوار فائنل کیے جائیں،عمران خان

لاہور(خصوصی رپورٹر)خیبرپختونخوا میں انتخاب کی تیاریوں، امیدواروں کے تعین کے حوالے سے عمران خان کی زیرصدارت تحریک انصاف خیبرپختونخوا کے ذمہ داران کا اجلاس زمان پارک میں منعقد ہوا ،اسد عمر، محمود خان، پرویز خٹک اور شبلی فراز بھی موجود تھے،امیدواروں کے تعین کے حوالے سے اہم امور پر تبادلۂ خیال اور ریجنل بورڈز کی ابتدائی سفارشات کا جائزہ لیا گیا ، انتخابی مہم اور انتخابی حکمتِ عملی کے مختلف خدوخال پر بھی غور کیا گیا۔ عمران خان نے انتخابات کی تیاریاں تیز کرنے اور امیدواروں کے حوالے سے ہوم ورک جلد مکمل کرنے کی بھی ہدایات جاری کیں ،حتمی فیصلہ چیئرمین خود کریں گے۔