امریکہ نےمشتبہ چینی جاسوس غبارہ مارگرایا،پینٹاگون کی تصدیق

واشنگٹن(اے ایف پی)امریکا نےہفتہ کوریاست کیرولائنا کے ساحل پر ایک مشتبہ چینی جاسوس غبارے کومار گرایاجس کی پینٹاگون نےتصدیق کردی،غبارہ شمالی امریکا کے حساس فوجی مقامات سے گزرا تھا اور یہ واشنگٹن اور بیجنگ کے درمیان موجود کشیدگی کا ایک گرما گرم موضوع بن گیا ہے۔اس سے پہلےصدرجوبائیڈن نے کہا کہ امریکا مشتبہ چینی جاسوس غبارے کے ساتھ معاملہ کرنے جا رہا ہے،اس غبارے کاامریکا بھرمیں پرواز کرتے ہوئے سراغ لگایا گیا ہے۔بائیڈن نے یہ تبصرہ اس سوال کے جواب میں کیا تھا کہ کیا امریکا انتہائی بلندی پراڑنے والے اس مبیّنہ نگران غبارے کوپھوڑدے گا۔یہ ملک بھرمیں پرواز کر رہا ہے، جسے واشنگٹن نے امریکاکی خودمختاری کی ’’واضح خلاف ورزی‘‘ قرار دیا ۔