ریکوڈک کا علاقہ محمد زئی قبائل کی ملکیت ہے‘ حاجی موسیٰ محمد زئی

دالبندین (نامہ نگار) ریکوڈک کے قبائلی رہنما حاجی موسیٰ خان محمدزئی نےکہا ہے کہ حکومت پاکستان کے مشکور ہیں ریکوڈک میں کام شروع ہونے سے بیروزگار نوجوانوں کو روزگار کے مواقع میسر آئیں گے بیرک گولڈ نے سب سے علاقے کے لوگوں کو ترجیح دی ہے چند اقوام نے کوشش کی کہ موقع سے فائدہ اٹھا کر خود کو مقامی ظاہر کریں لیکن ان پر واضح کرنا چاہتے ہیں ریکوڈک کا علاقہ جدّی و پشتی محمدزئی قبیلے کا ہے جو کسی سے ڈھکی چھپی نھیں انہوں نے کہا کہ محمدزئی قبائل کے معتبر ین اور نوجوانوں میں تعلیم یافتہ افراد موجود ہیں ریکوڈک کی ملازمتوں میں محمدزئی قبیلے کو اولین ترجیح دی جائے گی علاقے میں دیگر برادراقوام قابل احترام ہیں ان کے ساتھ شانہ بشانہ ہوں گے۔