مکران میں ایران سے 80میگاواٹ بجلی کی کمی‘ صارفین کومشکلات

تربت(نامہ نگار)ایرانی حکومت نے جیکی گور گریڈ اسٹیشن سے 100 میگاواٹ بجلی کی فراہمی میںبغیر کسی جواز کے 80 میگاواٹ کی کمی کردی ہے جس کے باعث مکران میں بجلی کا بحران پیداہوگیاہے کیسکو حکام کے مطابق اس وقت پورے مکران ڈویژن کو صرف 20میگا واٹ بجلی فراہم کی جارہی ہے 5روز سے ضلع کیچ کے تمام فیڈرز میں 20سے 22گھنٹے لوڈشیڈنگ کی جارہی ہے جس سے معمولات زندگی مفلوج ہوکررہ گئے ہیں کمشنر مکران نے کہاکہ آج جمعہ سے 40 میگاواٹ بجلی کی فراہمی کی یقین دہانی کرائی گئی ایران سپلائی بند کرنے سے پہلے آگاہی فراہم نہیں کرتااس لیے کیسکو اپنے صارفین کو بروقت آگاہ نہیں کرسکتا جیکی گور گریڈ اسٹیشن سے ہمیں شارٹ فال کا سبب چابہار گریڈ اسٹیشن میں فالٹ بتایا گیا ہے ۔