کے یو جے انتخابات، پروگریسیو پینل اہم عہدوں پر بلامقابلہ کامیاب

کراچی( نیوز ڈیسک)کراچی یونین آف جرنلسٹس کے سالانہ انتخابات 2022میں پروگریسیو پینل صدر جنرل سیکریٹری خازن اور جوائنٹ سیکریٹری کی نشستوں پر بلامقابلہ کامیاب ہوگئے، مقابل امیدواروں نے اپنے کاغذات نامزدگی واپس لے لئے تھے۔ نائب صدور، مجلس عاملہ کی سات نشستوں اور ڈیلیگیٹس کی25نشستوں پر ووٹنگ 29 جنوری کو ہوگی ۔کے یو جے کی الیکشن کمیٹی کی جاری کردہ فہرست کے مطابق صدر کے عہدے پر پروگریسیو پینل کے شاہد اقبال، جنرل سیکریٹری کے عہدے پر فہیم صدیقی، خازن کے عہدے پر لیاقت رانا، جوائنٹ سیکریٹری کی دو نشستوں پر یونس آفریدی اور سمیر قریشی بلامقابلہ منتخب ہوگئے ۔نائب صدرکی دو نشستوں پر اعجاز شیخ، جاوید قریشی اور آصف شیخ کے درمیان مقابلہ ہوگا ،جبکہ کے یو جے کی مجلس عاملہ کی سات نشستوں پر دس اور ڈیلیگیٹس کی25نشستوں پر43امیدوار ابھی میدان میں ہیں ،جن کیلئے پولنگ ہفتہ 29 جنوری 2022 کو کراچی پریس کلب میں ہوگی۔