ناظم جوکھیو قتل کیس، حتمی چالان میں اغوا اور سازش کی دفعات خارج

کراچی(اسٹاف رپورٹر) تفتیشی افسر نے ناظم جوکھیو قتل کے مقدمے کا حتمی چالان جوڈیشل مجسٹریٹ ملیر کی عدالت میں جمع کرایا، پولیس نے حتمی چالان سے اغوا اور سازش کی دفعات خارج کردیں جبکہ مقدمے سے محکمہ جنگلی حیات کے ملازم احمد شورو سمیت سات افراد کو خارج کردیا ،چالان میں ایم این اے جام عبدالکریم کو مقدمے میں مفرور قرار دیا گیا، چالان میں کہاگیا ہے کہ ایم پی اے جام اویس سمیت چھ ملزمان مقدمے میں گرفتار ہیں،پراسیکیوشن نے پولیس چالان کے ساتھ اسکروٹنی نوٹ عدالت میں جمع کروا دیا، عدالت نے پولیس چالان پر فریقین کے دلائل طلب کرتے ہوئے مقدمے کی سماعت 3 فروری تک ملتوی کردی ،مدعی مقدمہ کا کہناتھا کہ مقدمے میں انسداد دہشتگردی دفعات شامل کئے جانے کی درخواست دائر کی ہوئی ہے،انسداد دہشتگردی کی دفعات پر دلائل دینگے۔