شاہد آفریدی ان فٹ،قریبی عزیزہ کا انتقال، ابتدائی میچز نہیں کھیلیں گے

کراچی (اسٹاف رپورٹر) کوئٹہ گلیڈی ایٹرز کے اہم کھلاڑی شاہد خان آفریدی پاکستان سپر لیگ کے ابتدائی چند میچوں میں شرکت نہیں کریں گے۔ وہ کمر کی تکلیف میں مبتلا ہیں، ان کی سالی کا بھی انتقال ہوگیا ہے۔ انہوں نے منگل کی شب نیشنل اسٹیڈیم میں دوران پریکٹس کمر میں تکلیف کے بعد بائیو سیکیور ببل سے باہر جانے کی درخواست کی تھی۔ شاہد آفریدی نے بدھ کو پریکٹس میں بھی شرکت نہیں کی۔ اسٹار آل رائونڈر نے گلیڈی ایٹرز انتظامیہ کی اجازت کے بعد علاج کیلئے ببل چھوڑا، ڈاکٹرز سے مشورہ اور پھر اہلخانہ سے ملاقات کرکے واپس آگئے۔ منیجر اعظم خان کا کہنا ہے کہ انہیں تین روز کی آئسولیشن مکمل کرنے کے بعد اسکواڈ میں دوبارہ شامل ہونے کی اجازت ملے گی۔