تمباکو پر ٹیکس بڑھایا جائے معیشت بھی مضبوط ہوگی ،پناہ

راولپنڈی ( خصوصی نمائندہ )پاکستان نیشنل ہارٹ ایسوسی ایشن (پناہ) کے جنرل سیکرٹری ثناء اللہ گھمن نے کہا ہےکہ تین سال کے دوران عوام کے استعمال کی تمام ضروری اشیاء کی قیمتوں میں نمایاں اضافہ ہوالیکن تمباکو کی قیمتیں جمود کا شکار ہیں۔ اپنے بیان میں انہوں نےکہاکہ تمباکو کے خریداروں میں بڑی تعداد نوجوان لڑکوں اور لڑکیوں کی ہے،ان میں تمباکونوشی کارجحان تیزی سے بڑھ رہاہے،مختلف تحقیقات نے یہ ثابت کیا ہے کہ تمباکو پر ٹیکس بڑھانے سے ہماری معیشت مضبوط ہوگی۔حکومت کو ہمارے نوجوانوں کو تمباکو کی لت میں مبتلا ہونے سے بچانا ہوگا۔